ក្រុមបាល់ទាត់អេស្បាញ Real Madrid យកបានខ្សែការពារឆ្នើម Antonio Rudiger ពីក្រុម Chelsea ហើយ ក្រោយពីរូបគេអស់កុងត្រានៅទឹកដី Stamford Bridge។
Rudiger ដែលអស់កុងត្រានៅដំណាច់ឆ្នាំនេះ មិនព្រមបន្ដកុងត្រាថ្មីជាមួយក្រុម Chelsea នោះទេ បើទោះជាពួកគេព្យាយាមចរចាពង្រីកកុងត្រាក៏ដោយ តែខ្សែការពារអាល្លឺម៉ង់រូបនេះមិនព្រមទទួលយកឡើយ។ដោយ រូបគេបានបញ្ជាក់ថាចង់បានបទពិសោធបន្ថែមនៅកន្លែងថ្មី ។
ការសម្រេចទៅលេងនៅទឹកដីអេស្បាញនេះ គឺរូបគេបានសម្រេចកុងត្រាដល់ទៅ៤ឆ្នាំ ជាមួយតម្លៃពលកម្មប្រមាណជា ៣១៥,០០០ផោនក្នុងមួយសប្ដាហ៍។ បើទោះជាចុះកុងត្រាជាមួយក្រុម Real Madrid ដើម្បីត្រៀមរដូវកាលក្រោយមែន តែ Rudiger នៅតែផ្ដល់ភាពទុកចិត្តបានដល់ក្លិបរួមទាំងអ្នកគាំទ្រ Chelsea និយាយឱ្យចំគឺរូបគេនឹងប្រឹងប្រែងរហូតដល់ប្រកួតចុងក្រោយ។
សូមជ្រាបថាអ្នកចាត់ការក្រុមតោខៀវChelsea លោកThomas Tuchel ក៏បានបញ្ជាក់កាលពីពីរសប្ដាហ៍មុនដែរថា ខ្សែការពារ Rüdiger នឹងចាកចេញពី Chelsea នៅចុងបញ្ចប់នៃរដូវកាលនេះ៕
