ខ្សែប្រយុទ្ធ Gareth Bale គ្រោងចូលនិវត្តពីអាជីពបាល់ទាត់ បន្ទាប់ពីរូបគេអស់កុងត្រានៅ Real Madrid ឬក្រោយព្រឹត្តិការណ៍FIFA World Cup 2022 នៅប្រទេសកាតា។
ខ្សែប្រយុទ្ធជម្រើសជាតិវែលGareth Bale នឹងផុតកុងត្រាជាមួយក្រុម Real Madrid នាចប់រដូវកាលនេះហើយ។ បើតាមភ្នាក់ងាររបស់គេ Bale ទំនងជានឹងព្យួរស្បែកជើងហើយ ដោយចូលនិវត្តន៍តែម្ដងនៅពេលចប់ World Cup 2022 នេះ។
សូមជ្រាបថាខ្សែប្រយុទ្ធវ័យ៣២ឆ្នាំខាងលើបានចំណាយពេល៩ឆ្នាំនៅក្រុម Real Madrid ដោយឈ្នះពានរង្វាន់សរុប១៥ពានឯណោះ ក្នុងនោះបានឈ្នះពាន UEFA Champions League ៤លើកឯណោះ។
ចំណែកភារៈកិច្ចធំរបស់គេនៅពេលខាងមុខ គឺជួយជម្រើសជាតិវែលឱ្យបានលេង World Cup 2022 ។ ដោយពេលនេះ វែលកំពុងរង់ចាំដៃគួប្រកួត Play Off ចុងក្រោយ ដោយអាចប៉ះក្រុមស្កុតឡែន ឬអ៊ុយក្រែន៕
