អ្នកចាត់ការក្រុមហង្សក្រហមLiverpool លោក Jurgen Klopp និយាយថាការខកខានឈ្នះពានរង្វាន់ English Premier League នេះនឹងធ្វើឱ្យក្រុម Liverpool កាន់តែខិតខំលេងថែមទៀតក្នុងការប្រកួតទល់ក្រុម Real Madrid នៅវគ្គផ្ដាច់ព្រ័ត្រ UEFA Champions Leagueនាពេលខាងមុខ។
ជាការពិតណាស់ក្រុមហង្សក្រហម បានត្រឹមជើងឯករងប៉ុណ្ណោះនារដូវកាលនេះ ដោយ ចាញ់ក្រុម Manchester City ត្រឹមតែ១ពិន្ទុប៉ុណ្ណោះក្នុងចំណោម៣៨ប្រកួតរបស់ពួកគេ។
លោក Klopp បានថ្លែងថាការខកខានឈ្នះពានរង្វាន់ Premier League នេះនឹងក្លាយជាកម្លាំងចលករដ៏សំខាន់សម្រាប់កូនក្រុមរបស់លោកក្នុងការប្រកួតទល់ Real Madrid ។ពួកគេនឹងធ្វើគ្រប់យ៉ាងក្នុងការប្រកួតវគ្គផ្ដាច់ព្រ័ត្រ UEFA Champions League ដើម្បីយកពានធំជាងគេនៅតំបន់អឺរ៉ុបនេះទ្រឱ្យបាន៕
