តម្លៃប្រេងឥន្ធនៈមានការឡើងតម្លៃ៥០រៀលបន្តែមទៀត ខណៈប្រេងម៉ាស៊ូតចុះថ្លៃ៤០០រៀល ក្នុងមួយលីត្រ ចាប់ពីថ្ងៃទី២១ ដល់ថ្ងៃទី៣១ខែ ឧសភា ឆ្នាំ២០២២

ដោយ រតនា

ភ្នំពេញ ៖ ក្រសួងពាណិជ្ជកម្មបានឲ្យដឹងថា តម្លៃលក់រាយ ប្រេងឥន្ធនៈគិតចាប់ពីថ្ងៃទី២១ ដល់៣១ ខែឧសភា ឆ្នាំ២០២២ បានឡើងថ្លៃចំនួន៥០រៀលបន្ថែមទៀតក្នុង១លីត្រសម្រាប់ប្រេង សាំងធម្មតា និង ប្រេងម៉ាស៊ូតចុះថ្លៃ៤០០រៀល ក្នុង១លីត្រ ដោយសារតែ តម្លៃប្រេងឆៅនៅលើទីផ្សារអន្តរជាតិឡើងថ្លៃ ចុះថ្លៃដូចគ្នា ។

ជាក់ស្តែង សេចក្តីជូនដំណឹងស្តីពីថ្លៃលក់រាយប្រេងឥន្ធនៈនៅតាម ស្ថានីយដែលទទួលបាននៅថ្ងៃទី២៣ ខែឧសភាឆ្នាំ ២០២២ នេះ បានបញ្ជាក់ថាសម្រាប់ប្រេងសាំងធម្មតាក្នុងរយៈពេល២ សប្តាហ៍ទៅមុខទៀតពោលគឺ ពីថ្ងៃទី២១ដល់ ថ្ងៃទី៣១ ខែឧសភា ឆ្នាំ២០២២នឹងលក់ចេញក្នុងតម្លៃ ៥,៨៦០រៀលក្នុង១លីត្រ ។

ចំណែកឯប្រេងម៉ាស៊ូតលក់ចេញក្នុងតម្លៃ ៥,៦៦០រៀល ក្នុង១ លីត្រ ខណៈដែលពេលកន្លងទៅពោលគឺ ចន្លោះពីថ្ងៃទី១១ដល់ ថ្ងៃទី២០ ខែឧសភា ឆ្នាំ២០២២ ប្រេងសាំងធម្មតាមានតម្លៃ ៥,៧១០រៀលក្នុង១លីត្រ និង ប្រេងម៉ាស៊ូតតម្លៃ៥,៩៦០រៀល ក្នុង១លីត្រ ។

ជុំវិញតម្លៃលក់ប្រេងឥន្ធនៈនេះក្រសួងពាណិជ្ជកម្មបានបញ្ជាក់ថាក្រសួងមិនមែនជាអ្នកកំណត់ថ្លៃលក់រាយប្រេងឥន្ធនៈនៅ កម្ពុជាទេពោលគឺក្រសួងគ្រាន់តែស្រង់តម្លៃឡើង-ចុះ នៃ ប្រេងតាមទីផ្សារអន្តរជាតិមកគណនា តាមប្រកាសដូចមាន ក្នុងឯកសារ ។

សេចក្តីជូនដំណឹងរបស់ក្រសួងពាណិជ្ជកម្មបានបន្តថាជាក់ស្តែងនាពេលបច្ចុប្បន្ននេះ តម្លៃប្រេងឆៅនៅលើទីផ្សារអន្តរជាតិ តម្លៃលក់រាយប្រេងឥន្ធនៈ ក្នុងរយៈពេលដូចគ្នាខាងលើនឹងត្រូវលក់ ៥,៨៦០ រៀល ក្នុង១លីត្រ សម្រាប់ប្រេងសាំងធម្មតា EA92 និង ៥,៦៦០រៀល សម្រាប់ប្រេងម៉ាស៊ូត ។ ក៏ប៉ុន្តែដើម្បីជួយសម្រួលដល់ជីវភាពរបស់ប្រជាជន និង ដោយមានការរួមចំណែកពីក្រុមហ៊ុនចែកចាយប្រេងនៅកម្ពុជា សម្តេចនាយករដ្ឋមន្ត្រី តេជោហ៊ុនសែន បានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជាចំនួន ៤សេនដុល្លារ ក្នុង១លីត្រ ទើបតម្លៃចុះមកត្រឹម ៥,៦០០ រៀល ក្នុង១លីត្រ សម្រាប់ប្រេងសាំងធម្មតា និង តម្លៃ ៥,៤០០ រៀល ក្នុង១លីត្រ សម្រាប់ប្រេងម៉ាស៊ូត ៕