ក្រុមជើងឯកPremier League, Manchester City បានដាក់គោលដៅយកខ្សែបម្រើ Kalvin Phillips របស់ក្រុម Leeds United មករួមក្រុមម្នាក់ទៀតហើយនៅរដូវកាលក្រោយនេះ។
លោក Pepអ្នកចាត់ការក្រុមមេឃខៀវ តាមសេចក្ដីរាយការណ៍បានមើលឃើញសម្ថភាពខ្សែបម្រើសញ្ជាតិអង់គ្លេស Kalvin Phillipsម្នាក់ទៀតហើយបន្ទាប់ពីលោកបានទិញយក Haaland ពីក្រុម Dortmund ដើម្បីត្រៀមរដូវកាលថ្មី។ខ្សែបម្រើវ័យ២៦ឆ្នាំរូបនេះបានបង្ហាញទម្រង់លេងយ៉ាងល្អ រហូតបានជាប់ក្រុមជម្រើសជាតិផងដែរ ។
ដូច្នេះហើយទើបលោក Pep ចង់បានគេមកដើម្បីជំនួសកន្លែងរបស់ប្រធានក្រុម Fernandinho ដែលនឹងត្រូវចាកចេញពីក្រុមនៅចប់រដូវកាលនេះហើយ។ Phillips ជាកីឡាករទី២ដែលក្រុម City ត្រូវនាំចូល បន្ទាប់ពី Haaland ។ បើទោះជាក្រុមបច្ចុប្បន្នពោរពេញដោយកីឡាករល្អៗក៏ដោយ ប៉ុន្តែលោក Pep តែងតែមើលឃើញចំណុចខ្វះខាតក្នុងក្រុមជានិច្ចរៀងរាល់ចុងរដូវកាល ដើម្បីទិញកីឡាករថ្មីមករួមក្រុម៕
