ខ្សែបម្រើJames Milner បានព្រមព្រៀងក្នុងការចុះកិច្ចសន្យាថ្មីមានរយៈពេល ១ឆ្នាំដែលនឹងបន្តរក្សារូបគេលេងនៅក្លិប Liverpool សម្រាប់រដូវកាលទី៨។
ជាការពិតណាស់កិច្ចសន្យាចាស់របស់អតីតសមាជិកក្រុមជម្រើសជាតិអង់គ្លេស Milner នឹងផុតកំណត់នៅបំណាច់ខែនេះ ប៉ុន្តែរូបគេបានសម្រេចចិត្តបន្តលេងនៅ Liverpool តាមរយៈការចុះកិច្ចសន្យាថ្មី ដែលនឹងបន្តលេងរហូតដល់រដូវក្តៅឆ្នាំ២០២៣។
Milner បានបង្ហាញទម្រង់លេងយ៉ាងល្អ ទាំងក្នុងតំណែងជាខ្សែការពារ និងខ្សែបម្រើ ស្ថិតក្រោមការដឹកនាំរបស់អ្នកចាត់ការសញ្ជាតិអាល្លឺម៉ង់ Jurgen Klopp។
គូសបញ្ជាក់ថាកីឡាករវ័យ ៣៦ឆ្នាំរូបនេះបានចូលរួមជាមួយ Liverpool លើការផ្ទេរដោយគ្មានតម្លៃខ្លួនកាលពីឆ្នាំ២០១៥ បន្ទាប់ពីចាកចេញពីក្លិប Manchester City។Milner បានបង្ហាញខ្លួន ២៨៩ប្រកួតសម្រាប់ហង្សក្រហម Liverpool និងបានឈ្នះពានរង្វាន់ធំៗចំនួន៦ ក្នុងនោះរួមទាំងពានរង្វាន់ Premier League, Champions League, FA Cup និងពានរង្វាន់ League Cup ផងដែរ៕
