ដោយ រតនា
ភ្នំពេញ: បុរសម្នាក់បានស្លាប់ភ្លាមៗ បន្ទាបពីជិះម៉ូតូមួយគ្រឿងក្រោមដំណក់ទឹកភ្លៀង ក៏ត្រូវរថយន្តមិនស្គាល់ម៉ាក កៀនិង កិនពីលើបណ្ដាលឲ្យស្លាប់ក្នុងថ្លុកឈាម។
ហេតុការណ៍នេះកើតឡើងកាលពីវេលាម៉ោង១០យប់ ថ្ងៃទី១២ ខែមិថុនា ឆ្នាំ២០២២ ស្ថិតនៅចំណុចមុខក្រុមហ៊ុន ក្រឡុកសុម៉ង់តិ៍មួយកន្លែង ស្ថិតនៅតាមបណ្ដាលផ្លូវជាតិលេខ១ ក្នុងសង្កាត់និរោធ ខណ្ធច្បារអំពៅ រាជធានីភ្នំពេញ។
តាមប្រភពព័ត៌មានបានឲ្យដឹងថានៅមុនកើតហេតុជនរងគ្រោះបានជិះម៉ូតូមួយគ្រឿងម៉ាក ហុងដា គុប សេ៥០ ពណ៌ទឹកប៊ិច ក្រម៉ៅ ពាក់ស្លាកលេខ ផ០៧៤២ ភព១ បានធ្វើដំណើរតាមបណ្ដោយផ្លូវជាតិលេខ១ ទិសដៅពីកើតទៅលិច ក្រោមដំណក់ទឹកភ្លៀងរលឹម ខណៈពេលដែលធ្វើដំណើរមកដល់ចំណុចកើតហេតុ ក៏ស្រាប់តែត្រូវរថយន្ត មិនស្គាល់ម៉ាកមួយគ្រឿងជិះមកពីក្រោយ ស្របទិសដៅគ្នា សង្ស័យរថយន្តបង្កបើកបរខ្វះការប្រុងប្រយ័ត្ន បានជ្រុលទៅកៀម៉ូតូ បណ្ដាលឲ្យដួលចូលក្រោមកង់រថយន្ត កិនពីលើបណ្ដាលឲ្យបែកក្បាលស្លាប់ភ្លាមៗក្នុងថ្លុកឈាមតែម្តងៗ ហើយភ្លាមនោះដែររថយន្តបង្កមកនបានឈប់ដើម្បីដោះស្រាយនោះទេ បានបន្ថែមល្បឿនជិះរត់គិចបាត់។
ក្រោយពេលកើតហេតុសមត្ថកិច្ចមូលដ្ឋានបានចុះមកដល់ និង បានទំនាក់ទំនងទៅសមត្ថកិច្ចជំនាញចរាចរណ៍ក្រុងចុះមកវាស់វែងយកម៉ូតូជនរងគ្រោះទៅរក្សានៅការិយាល័យចរាចរណផ្លូវគោក ដើម្បីស្រាវជ្រាវរកថយន្តបង្កយកមកផ្តន្ទាទោសតាមផ្លូវច្បាប់។ ចំណែកសពសមត្ថកិច្ចបានធ្វើឯកសារប្រគល់ឲ្យបងប្អូនយកទៅធ្វើបុណ្យនៅឯស្រុកចំការលើ ខេត្តកំពង់ចាម តាមប្រពៃណី៕
