អត្ថបទ÷ ជួន បូណា
ភ្នំពេញ ៖ ឯកឧត្ថម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកមជ្ឈមណ្ឌលជាតិសកម្ម ភាពកម្ចាត់មីកម្ពុជា ហៅកាត់ថាស៊ីម៉ាក់ និងលោកសាស្ត្រាចារ្យបណ្ឌិត Motoyaki Sato នៃសកលវិទ្យាល័យ(Tohoku)តូហូគឹ នៃប្រទេសជប៉ុន នៅថ្ងៃទី១៣ ខែមិថុនា ឆ្នាំ២០២២ បានចុះហត្ថលេខាសហប្រតិបត្តិការ រវាងមជ្ឈមណ្ឌលសកម្មភាពកំចាត់មីនកម្ពុជា និងសកលវិទ្យាល័យតូហូគឹ ស្តីពីការបន្តសិក្សាស្រាវជ្រាវនិងអភិវឌ្ឍន៍បច្ចេកទេសឧបករណ៍រាវមីនប្រភេទALIS។
លោកសាស្ត្រាចារ្យ Sato មានការអំណត់ព្យាយាមខ្ពស់ណាស់ ក្នុងអភិវឌ្ឍន៍បច្ចេកទេសឧបករណ៍រាវមីនប្រភេទALISនេះ លោកសាស្ត្រាចារ្យបានចំណាយពេលវេលាអស់រយ:ពេល ជាង១៦ឆ្នាំ ពោលបានចាប់ផ្តើមស្រាវជ្រាវអភិវឌ្ឍន៍បច្ចេកទេស ប្រពន្ធ័នេះ តាំងពីក្នុងឆ្នាំ២០០៦មកម្លេះ។
សកលវិទ្យាល័យTohokuដែលនាំដឹកនាំដោយលោកសាស្ត្រាចារ្យSato មានជំនាញបង្កើតឧបករណ៍អេឡិចត្រូនិចនិងប្រពន្ធ័sensor ដោយសហការជាមួយក្រុមហ៊ុនផលិតឧបករណ៍រាវមីន របស់ប្រទេសអ៊ីតាលី ដើម្បីបង្កើតម៉ាស៊ីនរាវមីនALISនេះឡើង ។ ALIS ជាបច្ចេកវិទ្យាបូករួមជាមួយប្រពន្ធ័GPRស្កេនវិភាគរូបភាពនិងទិន្នន័។ បច្ចុប្បន្ននេះការស្កានវិភាគរូបភាពនិងទិន្នន័យនេះបានឆាប់រហ័ស និងមានភាពសុក្រិត្យជាងមុន រួមជាមួយមានទម្ងន់ស្រាលជាងមុន ។
សូមបញ្ជាក់ថា ជាការពិតនៃការចាប់ផ្តើមដំបូង ឧបករណ៍រាវមីនALISនេះ មានទម្ងន់ជាង១៦គីឡូក្រាម មានទំហំធំ ដែលត្រូវការ មនុស្ស២នាក់ដើម្បីប្រតិបត្តិការ ។ ការវិវត្តន៍រីកចំរើនកែសំរួលរហូតឧបករណ៍រាវមីន ប្រភេទ ALISនេះ មានទម្ងន់៣.១គីឡូក្រាម ជាមួយប្រសិទ្ធិភាពប្រតិបតិ្តការខ្ពស់ដោយអាចស្កែនរកឃើញនិងវិភាគសញ្ញារូបភាពក្រោមដីតែម្តង៕
