ក្លិបបាល់ទាត់យក្សអាល្លឺម៉ង់ Bayern Munich បានប្រកាសជាផ្លូវការអំពីការចុះកុងត្រាផ្ទេរយកខ្សែបម្រើ Ryan Gravenverch ពីក្លិប Ajaxរហូតដល់ឆ្នាំ២០២៧ ក្នុងតម្លៃខ្លួន១៨,៥លានអឺរ៉ូ។
បើតាមការឱ្យដឹងពីក្លិប Ajax ការផ្ទេរនេះមានតម្លៃ១៨.៥លានផោន ហើយអាចឡើងដល់២៤លានអឺរ៉ូជាមួយប្រាក់លើកទឹកចិត្ត។Ryan បានបង្ហាញខ្លួន១០៣ប្រកួតឲ្យ Ajax និងរកបាន១២គ្រាប់។
គូសបញ្ជាក់ថានៅ Ajax ខ្សែបម្រើសញ្ជាតិហុល្លង់វ័យ២០ឆ្នាំរូបនេះធ្លាប់បានឈ្នះពានលីគកំពូលហុល្លង់ Eredivisieចំនួន៣ដង និង KNVB Cup ២ដង។ អ្នកចាត់ការទូទៅរបស់ Bayern លោក Oliver Kahn បាននិយាយថា៖ Ryan Gravenverch គឺជាកីឡាករវ័យក្មេងម្នាក់ និងគួរឲ្យចាប់អារម្មណ៍ដែលក្លឹបនៅអឺរ៉ុបជាច្រើនចង់បាន។ គេជ្រើសរើស Bayern ព្រោះគេអាចអភិវឌ្ឍន៍ឡើងទៅកម្រិតខ្ពស់នៅទីនេះ៕
