កំពង់ឆ្នាំងៈ កាលពីថ្ងៃទី១៤ ខែមិថុនា ឆ្នាំ២០២២ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ អមដំណើរ សម្ដេច ចៅ ហ្វាវាំងវរវៀងជ័យអធិបតីស្រីង្គារ គង់ សំអុល ឧបនាយក រដ្ឋមន្ត្រី រដ្ឋមន្ត្រី ក្រសួង ព្រះ បរមរាជ វាំង អញ្ជើញមកពិនិត្យវឌ្ឍនៈភាពការងាររៀបចំទីតាំងប្រារព្វពិធីរុក្ខទិវា “៩ កក្កដា ឆ្នាំ២០២២” ស្ថិតក្នុងស្ថានីយផ្សព្វផ្សាយ និងស្តារព្រៃឈើសំបូរមាស ក្នុងភូមិសំបូរមាស ឃុំស្នឹង ស្រុកបាណន់ ខេត្តបាត់ដំបង។ គណៈប្រតិភូចូលរួមមានឯកឧត្តមអញ្ជើញមកពីគណកម្មការបុណ្យជាតិ ឯកឧត្តមអញ្ជើញមកពីក្រសួងធម្មការ និងសាសនា ឯកឧត្តម អ៊ុង សំអាត រដ្ឋលេខា ធិការក្រសួងកសិកម្ម រុក្ខាប្រមាញ់ និងនេសាទ ឯកឧត្តម សុខ លូ អភិបាលនៃគណអភិបាលខេត្តបាត់ដំបង មន្ទីរពាក់ព័ន្ធជុំវិញខេត្ត និងអាជ្ញាធរមូលដ្ឋាន។
ឆ្លៀតយកឱកាសនេះ សម្តេចចៅហ៊្វាវាំង គង់ សំអុល បានជួបប្រជុំជាមួយក្រុមការងារពាក់ព័ន្ធ ដើម្បីបង្ហាញរបៀបវារៈនៃការរៀបចំពិធី បែងចែកតួនាទី និងភារកិច្ចទទួលខុសត្រូវតាមផែននីមួយៗ និងទទួលស្តាប់របាយការណ៍អំពីវឌ្ឍនភាព ចំនួនប្រជារាស្រ្ត ភ្ញៀវជាតិ អន្តរជាតិ ឯកអគ្គរាជទូត ឯកអគ្គរដ្ឋទូត អគ្គកុងស៊ុល ដៃគូអភិវឌ្ឍន៍ ឯកឧត្តមអភិបាលនៃគណអភិបាលខេត្តជាប់ខេត្តបាត់ដំបងទាំង៦ សិស្សានុសិស្ស លោកគ្រូ-អ្នកគ្រូ តាជី-យាយជី យុវជន ព្រះឆយាល័ក្ខ ទង់ជាតិ ទង់ឆ្វាលា បដា សន្តិសុខ សណ្តាប់ធ្នាប់ និងអនាម័យ។ល។ ក្នុងខណ:នេះ សម្តេចចៅហ៊្វាវាំងបានណែនាំឯកឧត្តមរដ្ឋមន្រ្តីជួយពិនិត្យ និងតាមដានកូនឈើដែលព្រះករុណាបានប្រគល់ជូនអភិបាលនៃគណអភិបាលខេត្តទូទាំងប្រទេសយកទៅដាំកន្លងមក មានការដុះលូតលាស់ល្អកម្រិតណា។ សម្តេចចៅហ៊្វាវាំង គង់ សំអុល បានថ្លែងអំណរគុណឯកឧត្តមរដ្ឋមន្រ្តី សហការី សមត្ថកិច្ចពាក់ព័ន្ធគ្រប់លំដាប់ថ្នាក់ និងអាជ្ញាធរមូលដ្ឋានដែលបាន សហការរៀបចំកន្លែងព្រះរាជពិធីនេះទទួលបានលទ្ធផលល្អប្រសើរ និងលើកទឹកចិត្តឲ្យក្រុមការ ងារបន្តខិតខំអនុវត្តការងារដែលនៅសេសសល់រួចរាល់ទាន់ពេលវេលា និងល្អប្រសើរមុនថ្ងៃព្រះ រាជពិធីនឹងមកដល់។
សូមគោរពអនុញ្ញាតជម្រាបជូនថា ៖ ពិធីបុណ្យ « រុក្ខទិវា ៩កក្កដា ឬព្រះរាជពិធីដាំកូនឈើ » គឺជាចលនាបំផុសបំផុលការដាំដុះដើមឈើដ៏ធំមួយ និងជាប្រពៃណីដ៏ល្អផូរផង់ឧត្តុង្គឧត្តមនៃព្រះរាជា ណាចក្រកម្ពុជាយើង ដែលចលនានេះចាប់មានតាំងពី « សម័យសង្គមរាស្រ្តនិយម » ក្រោមព្រះ រាជបូជនីយកិច្ចផ្ដួច ផ្ដើម និងដឹកនាំដោយព្រះករុណា ព្រះបាទសម្តេច ព្រះនរោត្តមសីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ ព្រះវររាជបិតាកសិកម្មជាតិ ជាទីគោរពសក្ការៈដ៏ខ្ពង់ខ្ពស់បំផុត ដោយមានការចូលរួមយ៉ាងផុសផុលពីប្រជាពលរដ្ឋគ្រប់ស្រទាប់វណ្ណៈ និងបានក្លាយទៅជាសកម្មភាពយ៉ាងធំទូលំទូលាយ ក្នុងចលនា ទិវាពលកម្មដាំដើម ឈើនៅក្នុងសង្គម ដែលទីបំផុតត្រូវបានទទួលស្គាល់ជាពិធីប្រពៃណីជាតិ មួយហៅថា «ពិធីរុក្ខទិវា» ដែលបានកំណត់ដោយព្រះរាជកិច្ច លេខ៧៣៨ នស.រកត ចុះថ្ងៃទី០៨ ខែសីហា ឆ្នាំ១៩៥២។
បច្ចុប្បន្ន « រុក្ខទិវា » ត្រូវបានទទួលស្គាល់ជាផ្លូវការដោយមានចែងក្នុងច្បាប់ស្ដីពីព្រៃឈើ នាឆ្នាំ២០០២ ជំពូកទី១២ មាត្រាទី៦០ បានចែងថា៖ ដើម្បីជំរុញការអប់រំប្រជាពលរដ្ឋ ឱ្យយល់ដឹងពីសារសំខាន់ និងផលប្រយោជន៍ព្រៃឈើ ទិវាពលកម្មដាំកូនឈើ ជាប្រពៃណីជាតិហៅថា «រុក្ខទិវា» ត្រូវបានប្រារព្ធធ្វើឡើងនៅថ្ងៃទី ៩ ខែកក្កដា ជារៀងរាល់ឆ្នាំ ក្រោមព្រះរាជអធិបតីភាពដ៏ខ្ពង់ខ្ពស់របស់ព្រះមហាក្សត្រនៃព្រះរាជាណាចក្រកម្ពុជា ឬព្រះរាជតំណាង៕
