ខេត្តកំពង់ឆ្នាំង:
នៅរសៀលថ្ងៃទី១៩មិថុនា២០២២ម្សិលមិញនេះមនុស្ស២នាក់បានស្លាប់និងម្នាក់ផ្សេងទៀតបានរងរបួសនៅក្នុងហេតុការដោយគ្រោះធម្មជាតិរន្ទះបាញ់៣កន្កែងនៅនៅក្នុងស្រុក២គឺស្រុកទឹកផុសនិងស្រុករលាប្អៀរខេត្តកំពង់ឆ្នាំង ។
អធិការនគរបាលស្រុកទឹកផុសលោកវរសេនីយ៍ឯក ខែមវិបុល បានឲ្យដឹងនៅថ្ងៃទី២០មិថុនា២០២២នេះថាជនរងគ្រោះដោយសាររន្ទះបាញ់មានឈ្មោះ ខ្វែកសុខ ភេទប្រុសអាយុ២៤ឆ្នាំរស់នៅក្នុងភូមិចំបក់ប្រសាទឃុំក្រាំងស្គៀស្រុកទឹកផុសខេត្តកំពង់ឆ្នាំង ។អធិការនគរបាលស្រុកទឹកផុសបានឲ្យដឹងទៀតថានៅមុនពេលកើតហេតុជនរងគ្រោះបានជិះម៉ូតូទៅស្រែជាមួយបងប្អូន ៤ទៅ៥នាក់លុះទៅដល់ស្រែស្រាប់តែមេឃធ្លាក់ភ្លៀងលាយឡំនឹងខ្យល់ផងនោះជនរងគ្រោះបានរត់យកទូរសព្ទមកដាក់ទុកនៅក្នុងកែបម៉ូតូហើយក៏ត្រូវរន្ទះបាញ់បណ្ដាលឲ្យស្លាប់តែម្តង ។
អធិការនគរបាលស្រុករលារប្អៀលោកវរៈសេនីយ៌ឯក.ទឹមមចន្ធី.ក៏បានឲ្យដឹងនៅថ្ងៃនេះផងដែរថាជនរងគ្រោះស្លាប់ដោយសាររន្ទះបាញ់មានឈ្មោះ ស្មានយ៉េប.ភេទប្រុសអាយុ២៦ឆ្នាំរសនៅក្នុងភូមិអូតានេសឃុំរលាប្អៀរជនជាតិខ្មែរឥស្លាម ។អធិការនគរបាលស្រុករលាប្អៀរបន្ថែមទៀតថានៅមុនពេលកើតហេតុបានចេញទៅឃ្វាលគោនៅវាលស្រែគ្រាដែលមេឃកុំពង់ធ្លាក់ភ្លៀងហើយក៍ត្រូវបានរន្ទះបាញ់បណ្តាលអោយស្លាប់ ។ក្រោយពេលកើតហេតុសាកសពជនរងគ្រោះទាំងពីរនាក់ត្រូវបានបងប្អូនសាច់ញាតិនាំយកទៅលំនៅឋានរៀបចំធ្វើបុណ្យតាមប្រពៃណី ។
ដោយឡែកស្ត្រីចំណាស់ម្នាក់ផ្សេងទៀតឈ្មោះ សូយឺន ភេទស្រីអាយុ ៧៦ឆ្នាំរសនៅក្នុងភូមិព្រៃមូល ឃុំព្រៃមូល ស្រុករលាប្អៀរបានចេញទៅឃ្វាលគោមេឃកំពង់ធ្លាក់ភ្លៀងត្រូវបានរន្ទះបាញ់បណ្តាលអោយរងរបួសធ្ងន់ហើយកំពុងសង្គ្រោះបន្ទាន់នៅមន្ទីពេទ្យខេត្តផងដែរ ។
សូមបញ្ជាក់ផងដែរថានៅរសៀលថ្ងៃដដែលនេះផងដែរលំនៅឋានបងប្អូនប្រជាពលរដ្ឋ៥គ្រួសារត្រូវបានភ្លៀងខ្យល់កន្ត្រាក់ប៉ះចំបណ្តាលរងការខូចខាតខ្លះប៉ើងដំបូលជញ្ជាំង៥ផ្ទះនិងរោងគោនៅក្នុងភូមិ២នៃស្រុកកំពង់ត្រឡាច ។
នៅក្នុងករណីខាងលើនេះមិនបណ្តាលអោយមនុស្សឬសត្វរងគ្រោះថ្នាក់នោះឡើយ ៕
