ព្រះវិហារ ៖ ស្ទើរជារាងរាល់យប់ដែលក្រុមឈ្មួញបានទៅទទួលទិញឈើពីប្រជាពលរដ្ឋរួចដឹកតាមរថយន្ដកែច្នៃ សាំយ៉ុង រថយន្ដកូរ៉េ ជាច្រើនរូបភាព ដែលក្រុមប្រជាពលរដ្ឋបាននាំគ្នាចូលទៅអាក្នុងព្រៃការពារអភិរក្សព្រៃឡង់ រួចដឹកជញ្ជូនឈើតាមគោយន្ដកន្ត្រៃយកមកទុកតាមព្រៃ ខ្លះទៀតយកមកដាក់ពង្រាយតាមផ្ទះ ដើម្បីបំភ័ណ្ឌភ្នែកសមត្ថកិច្ច រឺជាវប្បធម៌សម្ដែងបែបឆាកល្ខោនគ្មានរោង ។
បន្ទាប់ពីទទួលបានបទបញ្ជាពីលោកឧត្តមសេនីយ៍ត្រី កង សៅគុណ មេបញ្ជាការកងរាជអាវុធហត្ថខេត្តព្រះវិហារ កាលពីថ្ងៃទី១៩ ខែមិថុនា ឆ្នាំ២០២២ វេលាម៉ោង០៨:៣០នាទីព្រឹកកម្លាំងមូលដ្ឋានកងរាជអាវុធហត្ថស្រុកជ័យសែន សហការជាមួយកម្លាំងជំនាញរដ្ឋបាលព្រៃឈើសង្កាត់ជ័យសែន រួមទាំងមន្ត្រីបរិស្ថាន កម្លាំងអធិការនគរបាលស្រុកជ័យសែន មេឃុំពុទ្រា ក្រុមប្រឹក្សាឃុំ និងមេភូមិ បានចុះស្រាវជ្រាវរុករកឃើញទីតាំងឈើសន្និធិដែលជនល្មើសបានលួចលាក់ទុកនៅចំណុចភូមិពើក ឃុំពុទ្រា ស្រុកជ័យសែន ខេត្តព្រះវិហារ ។
ជាលទ្ធផលក្រុមការងារបានដកហូតវត្ថុតាងរួមមាន: ឈើអារប្រភេទលេខ១(ឈ្លីក) ចំនួន៧២ដុំ ស្មើនឹង ១១,០៣៣ម៉ែត្រត្រីគុណ ។បច្ចុប្បន្ន វត្ថុតាងឈើខាងលើត្រូវបានសមត្ថកិច្ចជំនាញយកមករក្សាទុកនៅសង្កាត់រដ្ឋបាលព្រៃឈើជ័យសែន ។
មតិមហាជនបានសួរថា ការដឹកជញ្ជូនឈើ និងអាឈើក្នុងព្រៃ រួចដឹកចេញ ហើយនិងពេលបរចូល តើសមត្ថកិច្ច ក៏ដូចជាមន្ត្រីជំនាញដឹងដែរឬទេ? បើច្រក់ចូលនិងច្រកចេញត្រូវឆ្លងកាត់ស្នាក់ការបរិស្ថាននៅតំបន់នោះ ហើយពេលដឹកចេញតាមរថយន្ដត្រូវឆ្លងកាត់សង្កាត់រដ្ឋបាលព្រៃឈើនៅទីនោះមួយកន្លែងទៀត មកតាមផ្លូវមានស្នាក់ការជាច្រើនកន្លែង ទាំងជំនាញផ្នែក សង្កាត់ ប៉ូលីសសេដ្ឋកិច្ចខេត្ត ក្រសួង ចាកិច្ច ដឺបេ និងសមត្ថកិច្ចមួយចំនួនទៀតតាមដងផ្លូវដាក់ក្បាលឡានចេញក្រៅចាំដេញយកលុយរឿងចាប់ដូចជាមិនសូវឃើញនោះទេ ។ យើងសង្កេតឃើញថាពេលថ្នាក់ដឹកនាំដាក់បទបញ្ជាឲចុះអនុវត្តន៍ បង្ក្រាបបានតែអាស្រមោចសង្អាមិនដឹងខ្យល់អី តែបើអាធំៗរួញមិនហ៊ានអើតក្បាលមកទេ ពេលចប់បទបញ្ជាចេញដូចហែកឋិន រឿងទាំងនេះ អ្នកមិនដឹងទើបឆ្ងល់ ។
ប្រជាពលរដ្ឋស្នើរសូមឲថ្នាក់ដឹកនាំចុះត្រួតពិនិត្យមើលសមត្ថកិច្ចតាមដងផ្លូវផង រាល់ថ្ងៃមិនដឹងថាជាមន្ត្រីជំនាញអ្វីខ្លះទេនៅតាមដងផ្លូវដេញឡានប្រសាចជាការប្រឈមនិងបង្កឲមានហានិភ័យគ្រោះថ្នាក់ដល់អ្នកដំណើរឆ្លងកាត់ថែមទៀតផង ។
ដូចជាយប់មិញនេះម៉ោង១រំលងអាធ្រាតឈានចូលថ្ងៃទី២០ ខែមិថុនានេះ កំលាំងអាវុធហត្ថខេត្តកំពង់ធំសម្របសម្រួលដោយព្រះរាជអាជ្ញារង បានចុះបង្ក្រាបរថយន្ដសាំយ៉ុងដឹកឈើ១គ្រឿងចេញខេត្តព្រះវិហារ ពេញដល់ដំបូល រួចបញ្ជូនទៅជំនាញចាត់ការតាមនិតិវិធីច្បាប់ ៕
