Day: November 26, 2021

ភ្នំពេញ៖ ក្រុមជនសង្ស័យចំនួន ៥នាក់ ក្នុងចំណោម ៦នាក់ត្រូវបានកម្លាំងសមត្ថកិច្ចនគរបាលរាជធានីភ្នំពេញបើកប្រតិបត្តិការចាប់ខ្លួនបាននៅខណ្ឌច្បារអំពៅដោយពាក់ព័ន្ធនឹងករណីលួចមានស្ថានទម្ងន់ទោស(ធាក់ប្លន់)យកម៉ូតូចំនួន ២លើក។ ប្រតិបត្តិការចុះបង្រ្កាបនេះធ្វើឡើងដោយនគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលរាជធានីភ្នំពេញសហការជាមួយអធិការដ្ឋាននគរបាលខណ្ឌច្បារអំពៅក្រោមការសម្របសម្រួលនីតិវិធីពីលោក សេង ហៀង ព្រះរាជអាជ្ញារងអមសាលាដំបូងរាជធានីភ្នំពេញ។ លោកវរសេនីយ៍ឯក អេង សោភា នាយការិយាល័យនគរបាលព្រហ្មទណ្ឌកម្រិតធ្ងន់ បានឱ្យដឹងថា ជនសង្ស័យទី១-ឈ្មោះដន ដេត ហៅដូច ភេទប្រុស អាយុ១៦ឆ្នាំ ...

អន្តរជាតិ៖សមាជិកសភាអាមេរិកមួយក្រុមបានមកដល់កោះតៃវ៉ាន់តាមយន្តហោះយោធាអាមេរិក ដែលជាដំណើរទស្សនកិច្ចលើកទីបីរបស់ពួកគេនៅឆ្នាំនេះ។ សមាជិកសភាអាមេរិក៥រូបមកពីគណបក្សទាំងពីររួមទាំងលោក Mark Takano ផងដែរបានធ្វើដំណើរពីប្រទេសកូរ៉េខាងត្បូងទៅកាន់ទីក្រុងតៃប៉ិកាលពីថ្ងៃព្រហស្បតិ៍។ បើតាមក្រសួងការបរទេសរបស់តៃវ៉ាន់, ក្រុមគណៈប្រតិភូអាមេរិកនឹងជួបជាមួយមន្ត្រីដើម្បីពិភាក្សាអំពីទំនាក់ទំនងទ្វេភាគី សន្តិសុខក្នុងតំបន់ និងបញ្ហាផ្សេងៗទៀតក្នុងអំឡុងពេលស្នាក់នៅរយៈពេលពីរថ្ងៃរបស់ពួកគេ។ ទីភ្នាក់ងារព័ត៌មានកណ្តាលរបស់កោះតៃវ៉ាន់និយាយថា ក្រុមនេះក៏នឹងជួបពិភាក្សាជាមួយប្រធានាធិបតី Tsai Ing-wen ផងដែរ។សូមរំលឹកដែរថាគណៈប្រតិភូ​សភា​អាមេរិក​មួយ​រូបក៏បាន​ធ្វើ​ទស្សនកិច្ចស្រដៀងគ្នានេះ​នៅ​កោះតៃវ៉ាន់​ចាប់ពី​ថ្ងៃ​ទី ៩ ដល់​ថ្ងៃ​ទី ១១ ខែ​វិច្ឆិកា។ការិយាល័យប្រធានាធិបតីនិងក្រសួងការបរទេសរបស់តៃវ៉ាន់បាននិយាយថាដំណើរទស្សនកិច្ចជាបន្តបន្ទាប់របស់សមាជិកសភាអាមេរិកនៃគណបក្សទាំងពីរនេះបានបង្ហាញថា ពួកគេមានការព្រមព្រៀងគ្នាដើម្បីគាំទ្រយ៉ាងពេញទំហឹងនូវទំនាក់ទំនងកាន់តែរឹងមាំជាមួយតៃវ៉ាន់។ ...

កាសែត Sydney Morning Herald បានចេញផ្សាយអត្ថបទមួយកាលពីថ្ងៃព្រហស្បតិ៍ថា ប្រទេសអូស្ត្រាលីកំពុងពិចារណាមិនបញ្ជូនមន្ត្រីរដ្ឋាភិបាលណាមួយទៅចូលរួមព្រឹត្តិការណ៍កីឡាអូឡាំពិករដូវរងា ដែលនឹងធ្វើឡើងនៅទីក្រុងប៉េកាំងនៅឆ្នាំក្រោយឡើយ ចំពេលមានការអំពាវនាវកាន់តែខ្លាំងឡើងពីសមាជិកសភាឱ្យធ្វើពហិការការទូតជាផ្លូវការ។ កាសែតបានរាយការណ៍ថា អ្នកនយោបាយអូស្ត្រាលីមកពីបក្សកាន់អំណាចនិងបក្សប្រឆាំងកំពុងជំរុញឱ្យរដ្ឋាភិបាលសហព័ន្ធធ្វើពហិការមិនចូលរួមព្រឹត្តិការណ៍ ដែលនឹងប្រារព្ធឡើងនៅក្នុងខែកុម្ភៈ ប៉ុន្ដែកាសែតនេះបានរាយការណ៍ដោយគ្មានប្រភពបញ្ជាក់ឡើយ។ ការធ្វើពហិការការទូតនឹងរួមមានការមិនបញ្ជូនគណៈប្រតិភូមន្ត្រី ប៉ុន្តែអនុញ្ញាតឱ្យមានអត្តពលិកចូលរួម។ អ្នកនាំពាក្យរបស់រដ្ឋមន្ត្រីកីឡាលោក Richard Colbeck បានឆ្លើយតបតាមអ៊ីមែលថា៖ “ការសម្រេចចិត្តលើការបញ្ជូនតំណាងរបស់អូស្ត្រាលីសម្រាប់ព្រឹត្តិការណ៍កីឡាអូឡាំពិករដូវរងានៅទីក្រុងប៉េកាំងមិនទាន់ត្រូវបានធ្វើឡើងនៅឡើយទេ”។ ដោយឡែក ...

លោក Sajid Javid រដ្ឋមន្ត្រីសុខាភិបាលចក្រភពអង់គ្លេសបានមានប្រសាសន៍កាលពីថ្ងៃព្រហស្បតិ៍ថា ប្រទេសអង់គ្លេសបានណែនាំលក្ខខណ្ឌធ្វើដំណើរថ្មីដ៏តឹងរ៉ឹងសម្រាប់ប្រទេសចំនួនប្រាំមួយក្នុងទ្វីបអាហ្រ្វិក រួមទាំងអាហ្រ្វិកខាងត្បូងផងដែរ ដោយសារតែមានការព្រួយបារម្ភកាន់តែខ្លាំងឡើងលើមេរោគកូវីដ-១៩ប្រភេទបំប្លែងខ្លួនថ្មី ដែលទើបរកឃើញ។ លោករដ្ឋមន្ត្រីសុខាភិបាលបានប្រកាសថា ចាប់ពីពេលរសៀលនៅថ្ងៃសុក្រនេះ អាហ្រ្វិកខាងត្បូង ណាមីប៊ី ហ្ស៊ីមបាវ៉េ បូតស្វាណា ឡេសូថូ និងអេសវ៉ាទីនី នឹងត្រូវបានបញ្ចូលទៅក្នុងបញ្ជីក្រហមនៃការធ្វើដំណើររបស់ប្រទេសអង់គ្លេស។ ជនជាតិអង់គ្លេសនិងអៀរឡង់ ដែលធ្វើដំណើរមកពីប្រទេសទាំងនេះចាំបាច់ត្រូវធ្វើចត្តាឡីស័ក ហើយពលរដ្ឋដែលមកពីបណ្ដាប្រទេសទាំងនេះពុំត្រូវបានអនុញ្ញាតឱ្យចូលចក្រភពអង់គ្លេសឡើយ។ ...

នាយករដ្ឋមន្រ្តីចក្រភពអង់គ្លេស លោក Boris Johnson បានអំពាវនាវឱ្យប្រធានាធិបតីបារាំង លោក Emmanuel Macron យល់ព្រមទទួលយកជនចំណាកស្រុក ដែលបានឆ្លងកាត់តាមព្រែកសមុទ្រចូលចក្រភពអង់គ្លេស ត្រលប់ទៅប្រទេសបារាំងវិញ។ តាមរយៈលិខិតមួយដែលប្រមុខដឹកនាំចក្រភពអង់គ្លេសផ្ញើជូនប្រធានាធិបតីបារាំង លោកបានកំណត់ជំហានចំនួនប្រាំ ដើម្បីធ្វើសកម្មភាពបានទូលំទូលាយនិងលឿនជាងមុន ក្នុងគោលបំណងបញ្ចៀសការកើតឡើងម្តងទៀតនៃសោកនាដកម្មលង់ទឹកកាលពីថ្ងៃពុធ ដែលបានផ្ដាច់ជីវិតមនុស្សអស់ ២៧ នាក់។ មន្ត្រីរដ្ឋាភិបាលចក្រភពអង់គ្លេសគ្រោងនឹងចូលរួមកិច្ចពិភាក្សានៅទីក្រុង Calais ...

ប្រមុខការពារជាតិរបស់ហ្វីលីពីនបាននិយាយកាលពីថ្ងៃព្រហស្បតិ៍ថា ហ្វីលីពីននឹងមិនដកកប៉ាល់ដែលមានសភាពទ្រុឌទ្រោមនិងកំពុងដាក់ចោលនៅសមុទ្រចិនខាងត្បូងនោះទេ ហើយបានច្រានចោលការទាមទាររបស់ប្រទេសចិន បន្ទាប់ពីបានរារាំងបេសកកម្មដើម្បីផ្គត់ផ្គង់ស្បៀងនិងសម្ភារដល់នាវិក។ រដ្ឋមន្ត្រីក្រសួងការពារជាតិលោក Delfin Lorenzana បានច្រានចោលការអះអាងរបស់ប្រទេសចិនកាលពីថ្ងៃពុធដែលថាហ្វីលីពីនបានប្តេជ្ញាដកកប៉ាល់ BRP Sierra Madre ដែលត្រូវបានសំចតចោលនៅឯតំបន់ Second Thomas តាំងពីឆ្នាំ១៩៩៩មកម្ល៉េះ ដើម្បីពង្រឹងការទាមទារអធិបតេយ្យភាពរបស់ទីក្រុងម៉ានីលនៅក្នុងប្រជុំកោះ Spratly ។ កប៉ាល់ BRP ...