អង្គការ WHO បង្ហាញក្តីបារម្ភ ខណៈមេរោគកូវីដចូលវាយលុកនៅកូរ៉េខាងជើង
អន្តរជាតិ៖អង្គការសុខភាពពិភពលោក(WHO)បានសម្តែងការព្រួយបារម្ភយ៉ាងខ្លាំងអំពីផលប៉ះពាល់ធ្ងន់ធ្ងរនៃការផ្ទុះឡើងនៃមេរោគឆ្លងកូវីដ-១៩នៅក្នុងប្រទេសកូរ៉េខាងជើង។ កាលពីសប្តាហ៍មុន ប្រទេសកូរ៉េខាងជើងបានប្រកាសករណីដំបូងរបស់ខ្លួននៃមេរោគកូវីដ។ ទីក្រុងព្យុងយ៉ាងបាននិយាយនៅថ្ងៃពុធនេះថាមនុស្សជាង 1.71 លាននាក់នៅក្នុងប្រទេសនេះមានអាការៈគ្រុនក្តៅចាប់តាំងពីចុងខែមេសា។ ថ្លែងទៅកាន់អ្នកសារព័ត៌មានកាលពីថ្ងៃអង្គារ អគ្គនាយកអង្គការWHO លោក Tedros Adhanom Ghebreyesus បានចង្អុលបង្ហាញថា ប្រជាជនកូរ៉េខាងជើងមិនត្រូវបានចាក់វ៉ាក់សាំងបង្ការមេរោគកូវីដ-១៩នោះទេ។ លោកក៏បាននិយាយដែរថា អ្នកជំងឺជាច្រើននាក់ស្ថិតក្នុងស្ថានភាពមិននឹងន ដែលធ្វើឱ្យពួកគេប្រឈមនឹងជំងឺធ្ងន់ធ្ងរនិងការស្លាប់ខ្ពស់។ លោកTedros បាននិយាយថា WHO ...